|
A Asociación de Comerciantes da Rúa Barcelona comenzou a sua andaina fai máis de 20 anos. Por aquel entón unha serie de comerciantes deciden poñer en común os seus esforzos para conseguir melloras no barrio, facelo máis atractivo dotandoo de novos servizos, e atraer así novos clientes os seus negocios.
O primeiro paso foi a peatonalización da rúa Barcelona e dalgunha das rúas adxacentes que en conxunto constitúen un circuito peonil cómodo e atractivo.
Os comercios da zona a nivel individual, fixeron un grande esforzo para modernizar os seus negocios e dotalos das máis novedosas tecnoloxías. Desta forma, sentaron as bases para a transformación da Asociación nun Centro Comercial Urbán, que estivese en condicións de competir cos mellores Centros Comerciais de Galicia.
Así, en 1991 se pon en marcha o Centro Comercial Urbán Rúa Barcelona, coa finalidade de organizalo comercio minorista e os servizos da zona a través dunha planificación organizada, baixo unha marca, que pretende desenvolver accións e servizos que beneficien ao asociado e ó consumidor final; para iso elaborouse un plan de traballo a executar en catro anos coa colaboración das institucións (Xunta de Galicia e Concello).
A Asociación de comerciantes e hosteleiros responsable do proxecto denominado “Centro Comercial Aberto Rúa Barcelona”, xurde como un mecanismo dirixido a salvagardar, representar e protexer os intereses dos empresarios e profesionais da rúa Barcelona e arredores, frente os diferentes problemas que se lles presentan no desenvolvemento da súa actividade.
A Asociación crease cun marcado carácter Multisectorial, ao considerar que coa unión de tódolos empresarios e profesionais se logran acadar maiores sinerxias, e “por en valor a zona”.
A apertura de grandes superficies comerciais na área metropolitana e os cambios nas pautas de consumo dos ciudadans, provoca a necesidade de impulsar o asociacionismo entre pequenos e medianos empresarios, para reforzar as súas posicións e unificar criterios e forzas para adaptarse a nova situación.
Tanto os empresarios e profesionais, como as administracións públicas conciencianse da necesidade de potencialo pequeño comercio, como unha via para manter os centros das ciudades “vivos”.
O comercio tradicional na actualidade está sometido a un profundo proceso de cambio que esixe realizar un esforzo de renovación e adaptación continuo, co obxecto de que se volva a situar na posición histórica que tradicionalmente veu desempeñando no desenvolvemento económico e social das nosas vilas e ciudades. O plan Ágora, Agora Re-comercia 2010-2013 trata de construir un sector comercial máis competitivo e dinámico, e recolle un conxunto de medidas entre as que cabe destacar, a dinamización e revitalización dos centros comerciais abertos e a súa adaptación ao entorno dos mesmos, creando espacios confortables e de ocio para realizar compras que xeneren polos de atracción comercial as ciudades, co obxecto de facilitar a recuperación das ciudades en xeral e do seu comercio en particular, tanto dende o punto de vista económico e social como urbanístico, contribuindo a evitar a desertización que, nos últimos anos , se está producindo nos cascos urbáns. Por todo isto dende as distintas administracións públicas, Xunta de Galicia (Plan Ágora), Concellos (Plan Urban) estanse levando a cabo proxectos de dinamización e revitalización de Centros Comerciais Abertos.
|
